Kreu i Aleancës për Shqiptarët, Ziadin Sela nuk deshi të përgjigjet se si do të veprojë në të ardhmen si subjekt politik, gjegjësisht se me kënd pritet të koalicionojnë në të ardhmen, përcjell TV21. Sela tha se kanë marrë mësime nga e kaluara.
“Mungesa e legjitimitetit është element i mjaftueshëm që të shkohet në zgjedhje të parakohshme parlamentare. Në çfarë do të jenë këto zgjedhje në të ardhmen, si do të shkojë Aleanca. Aleanca për Shqiptarët ashtu siç respektojmë autonominë e veprimit të tjerëve, presim që të na respektojnë edhe të tjerët neve autonominë. Vendimet do i sjellim autonome si subjekt politike, i kemi marrë mësimet e mjaftueshme nga sjellja politike e aktorëve politikë me të cilët kemi pasur koalicion, dhe do të sillemi komfor këtyre leksioneve që i kemi marrë”, tha mes tjerash Sela.
