Nesër regjim i posaçëm i komunikacionit në Strugë dhe Ohër, bllokime nga ora 06:00 deri në 17:00.
SPB Ohër njofton se nesër, më 22 nëntor (e diel), në Strugë dhe Ohër do të vendosen masa të shtuara të sigurisë dhe regjim i posaçëm i komunikacionit, në kuadër të vizitës zyrtare të kryeministrit të Shqipërisë, Edi Rama.Regjimi i posaçëm do të jetë në fuqi nga ora 06:00 deri në 17:00 dhe do të përfshijë disa segmente rrugore në rajonin e Strugës dhe Ohrit.
Kufizimet në komunikacion do të zbatohen në aksin nga pika kufitare e Qafë Thanës, përmes Strugës deri në fshatin Podmolje dhe Vilën Ohër, si dhe në relacionin nga Aeroporti i Ohrit “Shën Apostull Pali” deri te Vila Ohër.
Policia u bën thirrje qytetarëve dhe drejtuesve të automjeteve që të respektojnë udhëzimet e zyrtarëve policorë dhe t’i planifikojnë udhëtimet e tyre në përputhje me regjimin e paralajmëruar të komunikacionit.
