Raportuesja për Kosovën në Parlamentin Evropian, Viola von Cramon, ka akuzuar presidentin e Serbisë, Aleksandar Vuçiq, se ka gënjyer rreth numrit të rasteve me koronavirus para zgjedhjeve, transmeton Zeri.info
Von Cramon, përmes një postimi në Twitter, ka thënë se Vuçiqi gënjeu vetëm për të zhvilluar fushatën për zgjedhje të qeta dhe sipas saj ai po sulmon brutalisht protestuesit.
“Duket se Vuçiqi gënjeu rreth numrave me COVID-19 për të zhvilluar fushatën të qetë ‘zgjedhore’. Ai nuk mund të fshihet nga realiteti i rritjes së rasteve të reja dhe njerëzit e dinë se për të pushteti ka qenë më i rëndësishëm sesa shëndeti. Protesta të mëdha paqësore u mbajtën dje dhe ai po i sulmon brutalisht protestuesit dhe kalimtarët”, ka shkruar ajo në Twitter.
Ditëve të fundit, në Serbi është raportuar për shtim të rasteve me koronavirus. Vetëm dje u raportuan mbi 10 vdekje për një ditë.
It seems Vučić lied about #COVID19 numbers to have calm “elections” campaign. He can’t shy away from reality of rising cases & ppl know power has been more important for him than health. Huge peaceful protests yesterday & he’s brutally attacking protesters & bystanders #Serbia https://t.co/0ZBd14u442
— Viola von Cramon (@ViolavonCramon) July 8, 2020
