Kryeministri teknik i cili vjen nga radhët e Bashkimit Demokratik për Integrim (BDI), Talat Xhaferi nuk përgjigjet se pse nuk u realizua ndërtimi i tetë sallave sportive në shkollat fillore të Tetovës, i cili është premtim në programin zgjedhor të vitit 2020/24 të BDI-së, shkruan Portalb.mk.
I pyetur për këtë në një promovim të rrugës në fshatin Gllogjë të Komunës së Tearcës, Xhaferi refuzoi të përgjigjet.
“Do shkoni deri në Reçicë, deri në Reçicë do shkoni, po më pyetni mua për BDI, nuk jam përfaqësues i BDI-së unë. Po vij nga radhët jam kryeministër nuk jam përfaqësues i BDI-së… Fola për tjetër send pak më herët, për programin zgjedhor nuk e përfaqësoj”, tha Xhaferi.
