Maqedonia renditet e 85-ta në mesin e 180 vendeve në botë sipas Indeksit të Perceptimit të Korrupsionit për vitin 2022 të Transparency International.
Mungesa e integritetit në përzgjedhjen e figurave kyçe në gjyqësor dhe menaxhimi joefikas i rasteve ekzistuese kundër korrupsionit janë arsyet pse vendi renditet i 85-ti nga 180 vende të botës sipas Indeksit të Perceptimit të Korrupsionit.
Sipas raportit të publikuar nga “Transparency International” për vitin e kaluar, krahasuar me vitin 2021, indeksi është rritur vetëm me një pikë apo dy vende.
Për të garantuar llogaridhënien dhe për të demonstruar një vullnet të sinqertë për të luftuar korrupsionin, Qeveria duhet të sigurojë burime adekuate dhe të garantojë pavarësinë e Komisionit për Parandalimin e Korrupsionit dhe institucioneve të tjera përgjegjëse për hetimin e korrupsionit dhe krimit të organizuar.
Me gjithë progresin e vogël, Maqedonia mbetet një nga vendet më të këqija në rajon sipas perceptimit të korrupsionit.
Para nesh janë Sllovenia, Greqia, Kroacia, madje edhe Mali i Zi e Bullgaria, edhe Kosova është një hije larg. Vetëm Serbia dhe Shqipëria dhe Bosnja e Hercegovina kanë një rezultat më të keq.
Liderët kundër korrupsionit janë Danimarka, Finlanda dhe Zelanda e Re dhe vendet më të korruptuara në botë janë Somalia, Siria dhe Sudani i Jugut.
