Zëvendëskryeministri i parë, Artan Grubi, zërat për interpelancën e mundshme ndaj tij nga ana e shefit të grupit parlamentar të BDI-së, Izet Mexhiti, tha se e ka dëgjuar vetëm nga mediat. Grubi shtoi se BDI është trup i vetëm dhe rreshtohemi pas politikave të z. Ali Ahmeti”
“I dëgjoj këto zëra nëpër media. Realisht ne funksionojmë si një trup i vetëm, edhe BDI, edhe grupi parlamentar i BDI-së, edhe pjesa e pushtetit ekzekutiv edhe kryetarët e komunave dhe jemi të fokusuar në realizimin e programit të BDI-së. Nuk dëshirojmë të fokusohemi në tema të tilla për arsye se kemi shumë punë për të bërë. Gjithë jemi një trup i vetëm dhe rreshtohemi pas politikave të z. Ali Ahmeti”, pohoi Artan Grubi, zv/kryeministër i parë.
