ryetari i Aleancës për Shqiptarët, Ziadin Sela, priti sot ambasadoren e Rumunisë, ekselencën e saj, Adela Monica Axinte.
Në takim është diskutuar për situatën në rajon dhe botë, poashtu edhe për zhvillimet e fundit politike në Republikën e Maqedonisë së Veriut.
“Sot kisha nderin që në selinë e Aleancës për Shqiptarët në Shkup, të takoj ambasadoren e Rumunisë, ekselencën e saj, Adela Monica Axinte, e cila më dhuroi një karikaturë të punuar nga artisti rumun me famë botërore Stefan Popa Popa’s.
Kryeqendra e Rumunisë, Bukureshti ka qenë çerdhe e shumë rilindasve shqiptare, Shoqërisë “Dituria” dhe aty janë zhvilluar të gjitha aktivitetet kombëtare. Në Bukuresht është botuar edhe abetarja e parë e gjuhës shqipe nga rilindasi, Naum Veqilharxhi. Në shenjë falemenderimi në emër të ASH-së, ambasadores i dhurova një pllaketë përkujtimore me ballinën e abetares së Veqilharxhit.
Me ambasadoren Adela Monica Axinte, biseduam për situatën në rajon dhe botë, zhvillimet politike në vend, proçesin e reformave dhe pritjet e vendit tonë për marrjen e datës për hapjen e negociatave me Bashkimin Evropian.”- ka shkruar Sela.
