Zeqirija Ibrahimi nga Alternativa në konferencë për media u shpreh se procesi zgjedhor në komunën e Çairit nuk ka qenë i lehtë dhe se gjatë tërë ditës ka pasur presione të vazhdueshme mbi votuesit.
“Është dashur me dhjetëra herë të mos themi me qindra herë të paraqitemi në polici dhe të kërkojmë asistencë përshkak të presionit të madh të votuesve nëpër vendvotime edhe nëpër shkolla. Kjo është një praktikë që është instaluar nga Bashkimi Demokratik për Integrim dhe ata gjithnjë e më tepër besojnë se përmes muskujve arrin që ti fitojnë votat. Kjo është çështje që duhet ta vlerësojnë qytetarët ne vetëm e japim vlerësimin tonë . Pjesa tjetër është informacioni që ne akoma nuk i kemi rezultatet e fundit që të mund të themi se cili është epilogu i këtyre zgjedhjeve në Çair.
Ndërsa ajo që është e saktë është që ne do të jemi në raundin e dytë dhe shpresojmë që aty të ketë kthesë edhe të rezultatit zgjedhor duke pasur parasysh se kundërshtari i Bekim Sali e ka prekur plafonin e votave kurse për ne akoma ekzistojnë grupe të interesit shoqëror të cilët janë të disponueshme për ta votuar kandidatin tonë”, ka deklaruar Zeqirija Ibrahimi.
