Universitetet e Maqedonisë së Veriut edhe sivjet nuk gjenden në Listën e Shangait për 1.000 universitetet më të mira të botës.
Në listën e renditjes akademike të universiteteve botërore për vitin 2019, në vendin e parë, 17-vite me radhë është Universiteti i Haruardit, në vendin e dytë Stenfordi në SHBA dhe në vendin e tretë Universiteti Britanik i Kembrixhit.
Në dhjetë universitetet më të mira janë edhe MIT, Berkli, Prinston, Oksford, Kolumbia, Kalteç dhe Çikago.
Në Evropë, pas Kembrixhit dhe Oksfordit, universitetet e renditura më lart janë Universiteti në Londër, Universiteti në Cyrih, Kolegji britanik Imperial dhe Universiteti i Kopenhagës.
Nga vendet e rajonit, në pozitën më të mirë është Universiteti Kombëtar i Athinës midis vendit 300 dhe 400, ndërsa “Aristoteli” i Selanikut, Universiteti i Beogradit dhe i Zagrebit janë mes vendeve 400 dhe 500. Universiteti i Lubjanës është mes vendeve 500 dhe 600, i Mariborit dhe Splitit mes 700 dhe 800, ndërsa në Listën e Shangait gjenden ende edhe Universitetet në Sofje dhe në Novi Sad, të cilat pozicionohen midis vendit 900 dhe 1009.
Universiteti më i mirë i Maqedonisë “Shën Cirili dhe Metodij”, në rang liste në botë është në vendin 1.568. Në shkallë kombëtare i dyti Universiteti i Shtipit “Goce Dellçev” (3.279), i treti Universiteti i EJL (3.881) , i katërti Universiteti Shtetëror i Tetovës (4.912), ndërsa i pesti është Universiteti i Manastirit “Shën Klimenti i Ohrit” (5.697).
Lista e Shangait, që çdo vit publikohet nga Universiteti Ciao Tonf nga Shangai, është një nga listat më me ndikim e cila i klasifikon universitet më të mira në botë.
Kriteret kryesore për renditjen e universiteteve, midis të tjerave, numërohen punimet shkencore të publikuara në revistat ndërkombëtare, numri i fituesve të Çmimeve Nobël dhe Medaljet Fildsov, për ata që kanë studiuar në universitet ose që punojnë atje.
