Shtëpia e Bardhë njoftoi fjalimin e lamtumirës së Presidentit të SHBA Donald Trump para inaugurimit të sotëm të Joe Biden.
Fjalimi i lamtumirës i Trump, i regjistruar në Shtëpinë e Bardhë, zgjat pak më pak se 20 minuta. “Këtë javë ne jemi duke përuruar administratën e re dhe po lutemi për suksesin e saj, për ta mbajtur Amerikën të sigurt dhe të prosperuar,” tha ai, duke shtuar: “Ne u dëshirojmë atyre fat”. Edhe pse është një gjest i rrallë i vullnetit të mirë ndaj pasardhësit të tij, Trump kurrë nuk e përmend Biden në video. “Ne bëmë atë që kemi ardhur për të bërë – dhe shumë më tepër. “Kam luftuar në beteja të vështira, beteja më të vështira dhe kam marrë vendimet më të vështira, sepse për këtë më keni zgjedhur mua”, u tha Trump amerikanëve. Ai vuri në dukje se “rreziku më i madh që tani i kanoset Amerikës është humbja e besimit në madhështinë e kombit”. Fjalimi renditi gjithçka që administrata e tij ka bërë gjatë katër viteve të fundit, nga “kundërshtimi i Kinës në një mënyrë që askush nuk ka bërë më parë” te “një seri marrëveshjesh historike të paqes në Lindjen e Mesme”.”Bota na respekton përsëri, ju lutem mos e humbni atë respekt”. “Unë jam veçanërisht krenar që jam presidenti i parë në dekada që filloj një luftë të re,” tha Trump. Ai gjithashtu përmendi ndërhyrjen e fundit të mbështetësve të tij në ndërtesën e Kongresit. “Të gjithë Amerikanët janë të neveritur nga sulmi i Kapitolit … Ne nuk mund ta tolerojmë atë,” tha ai. Veçanërisht interesante është mesazhi që ai dërgoi në fund të fjalës së tij: “Unë dua që ju të dini se lëvizja që ne themeluam është vetëm fillimi”.
