Transportuesit privatë sot nga ora gjashtë e mëngjesit kanë vendosur sërish bllokada në disa pika kryesore të kryeqendrës, tek udhëkryqi përballë Qendrës Tregtare Mavrovasja, udhëkryqi tek Kryqi i Kuq si dhe Bulevardi Ilinden. Ata thonë se kësaj radhe nuk do të heqin bllokadat deri në plotësimin e kërkesave të tyre.
Kemal Muriq nga kompania private e transportit “Sloboda Prevoz” në deklaratën e tij ishte i prerë se bllokadat nuk do të hiqen derisa të ketë progres për të dalë nga situata.
Muriq njoftoi se transportuesit po mendojnë të sjellin me vete edhe familjet e tyre në bllokada.
Nuk kemi kërcënime, por motivi kryesor është pyetja ekzistenciale, prandaj jemi këtu. Nëse kryetarja dëshiron, mund ta zgjidhë problemin me një telefonatë, thekson përfaqësuesja e “Sloboda Verosov”, duke theksuar se nëse arrihet marrëveshje për pagesën e së paku një paushall, bllokimet do të hiqen.
“Këta autobusë janë pronë e personave juridikë që paguajnë tatimin, nga të cilët kryetarja merr pagën e saj”, tha Muriq.
Qytetarë privatë kanë bllokuar udhëkryqet tek TC Mavrovka, tek objekti i Kryqit të Kuq, si dhe një pjesë e bulevardit “Ilindenska” te objektet e qytetit të Shkupit.
