Meqenëse mjetet për pastrimin e rrugëve në Qytetin e Tetovës janë shumë të vjetra, organizata joqeveritare “Eco Guerilla” në Tetovë përmes një postimit në rrjetin social fejsbuk, kanë ironizuar duke ju bë thirrje qytetarëve të donojnë para për blerjen e këtij mjeti, në mënyrë që edhe Tetova të ketë rrugë të pastra,
Një video e publikuar nga “Eco Guerilla” tregon një shembull të mirë të pastrimit të rrugëve në qytet, e njëjta është incizuar në Komunën e Gostivarit, kjo e fundit ka mjete pastruese të rrugëve shumë efikase.
Nga “Eco Guerilla” me ironi ftojnë qytetarët që të donojnë para në mënyrë që Komuna e Tetovës të blejë një mjet më efikas për pastrimin e rrugëve nga papastërtia.
Ndryshe, në Komunën e Tetovës mjetet e pastrimit të rrugëve por në përgjithësi mjetet të cilat janë në pronësi të Ndërmarrjes Publike Komunale, shumica prej tyre janë blerë disa dekada më herët apo në kohën e Titos dhe të njëjtat janë në gjendje shumë të keqe.
