Kryetari i AKR-së, Behgjet Pacolli, nuk është futur në Kosovë.
Ai ende ndodhet në Tiranë, ku ka mbërritur mbrëmë nga Zvicra, prej atje ku po qëndronte që nga përhapja e koronavirusit.
“Pacolli ende ndodhet në Tiranë”, ka thënë për KlanKosova.tv, këshilltari i tij, Naim Murseli.
Ai ka theksuar se më vonë do të njoftojnë se kur ai do të kthehet në Prishtinë.
Ditën e djeshme ka pasur disa deklarime edhe nga Pacolli edhe nga zyrtarë qeveritarë për kthimin e tij, duke u potencuar që edhe ai duhet të karantinoret për 14 ditë sikur të gjithë të kthyerit nga jashtë gjatë periudhës së pandemisë.
