Lideri i BDI-së, Ali Ahmeti gjatë nënshkrimi të marrëveshjes për koalicion me liderin e Lëvizjes Popullit, Skender Rexhepi është pyetur edhe për liderin e Lëvizjes Demokratike, Izet Mexhiti.
Ahmeti i pyetur se a ka mundësi që Izet Mexhiti të kthehet në BDI, ahmeti është përgjigjur:
“Tani nuk e ftoj Izetin të zhburrërohet”.
Por ndaj kësaj deklarate të Ahmetit, ka reaguar Mexhiti i cili thotë se këto deklarata vijnë ngaqë i pari i integristëve, ka filluar ta “ndjejë vetë i pari humbjen”.
“Sa më shumë afrohet humbja, aq më shumë do ta shihni duke sharë. E njoh mirë, ai e ndjen vetë i pari humbjen. Tash e dhjetë vite populli nuk voton për të, por në pushtet ka mbetur duke përçarë opozitën. E tash që opozita u bashkua për fitore të sigurtë, në Koalicionin VLEN, atij i mbetet veç të shajë e të qajë.
P.s. kalo mirë me burrat e mëdhenj që i ke përreth”, shkroi Mexhiti]
