NDI: Ja si është rejtingu i partive politike dhe liderëve në Maqedoni?

170

Sipas një ankete të publikuar nëpër disa portale nga ana e Instituti Ndërkombëtar për Demokraci, e realizuar në qershor, koalicioni LSDM – BESA është në epërsi përballë koalicionit të VMRO-DPMNE-së.

Nga kampi politik shqiptar, BDI është para koalicionit të ASH- AAA. Anketa është zhvilluar në qershor me 1212 anketues në gjithë territorin e vendit.

“Nëse zgjedhjet do të mbaheshin nesër, për cilën parti do të votonit?”, 24.8% janë deklaruar për LSDM – BESA, ndërsa 21.2 % për VMRO-DPMNE, 7.2% kanë thënë se votojnë BDI-në, ndërsa 5.7 për qind për koalicionin ASH-AAA. Nuk do të marrin pjesë në zgjedhje janë shprehur 16.5 për qind e të anketuarve, ndërsa 9 për qind akoma nuk kanë vendosur se kujt do t’ia japin votën.

Sa i përket liderëve, anketa thekson se Ziadin Sela është politikani shqiptar më i preferuar.

Sipas kësaj ankete, për Ziadin Selën mendim pozitiv kanë 17 për qind e qytetarëve, kurse për Ali Ahmetin 15 për qind. Te politikanët maqedonas bindshëm prin Zoran Zaev me 40 për qind, kurse Hristijan Mickovski me 28 për qind. (INA)