Kryetari i Komisionit Rregullator, Marko Bislimovski njofton se nga 1 janari do të ketë shtrenjtim të energjisë elektrike, shkruan Telegrafi Maqedoni.
Bislimovski theksoi se rritja reale e çmimit të energjisë elektrike do të ishte 25%
“Nga 1 janari çmimi i energjisë elektrike për amvisëri do të shtrenjtohet për 9.48. Rritja reale do të ishte më e madhe, por arritëm të shkurtojmë shumë shpenzime dhe Qeveria mori obligim për t’ju ndihmuar kompanive shtetërore në periudhën e ardhshme”, tha Bislimovski.
Bislimovski gjithashtu theksoi se nga 1 janari nuk do të ketë tarifë të lirë të energjisë elektrike gjatë ditës, por do të ngel gjatë natës dhe të dielave.
