Buxheti i Evropës Kreative do të rritet për njëqind milionë euro në krahasim me vitin paraprak, njoftoi Komisioni Evropian.
Buxheti prej 385 milionë euro i programit kulturor të Komisionit Evropian, Creative Europe, synon të rrisë mbështetjen për sektorin kulturor dhe ta ndihmojë atë të përballet me pasojat e krizës Covid-19.
-Sektori kulturor dhe krijues është shpirti i shoqërisë evropiane. Ne e dimë se sa elastik kanë qenë ata në dy vitet e fundit. Në vitin 2022, Europa Krijuese do të ketë buxhetin më të madh ndonjëherë, tha Maria Gabriel, Komisionerja e BE-së për Kulturën.
Ky buxhet nënkupton edhe më shumë mundësi për financimin e projekteve në Bashkimin Evropian.
“Me programin Creative Europe, ne do të mobilizojmë 226 milionë euro për sektorin audiovizual dhe 35 milionë euro për bashkëpunimin ndërsektorial, duke përfshirë mediat e lajmeve”, tha Komisioneri i Tregut të Brendshëm të BE-së, Thierry Breton.
Bashkimi Evropian dëshiron të investojë në teknologjitë dixhitale, seritë televizive dhe realitetin virtual, shtoi ai.
Rritja e buxhetit synon gjithashtu mbrojtjen e lirisë së medias dhe financimin e partneriteteve gazetareske
