Sekretari i Aleancës për Shqiptarët, Arben Taravari në rrjetin social fejsbuk ka shpërndarë një fotografi në të cilën tregohet vendi se ku do të mbahet protesta e koalicionit “Tash është koha”, për, siç thonë ata vjedhjen e votës që është bërë në zgjedhjet e 15 korrikut.
“Kur Drejtësia mungon në institucione ajo kërkohet në rrugë! Populli fiton gjithmonë të Drejtën e Tij!
Votat janë vjedhur si çdo herë! Hajdutët janë të njëjtët! Por…Populli ka Ndryshuar! Ky është fundi i Mafies Zgjedhore!”, shkruan Taravari.
Protesta do të mbahet ditën e hënë tek parku i Çairit me fillim prej ora 18:00.
KOALICIONI “TASH ËSHTË KOHA” DO TË PROTESTOJË TË HËNËN TEK PARKU I ÇAIRIT ( video)
