Një anketë e Institutit Ndërkombëtar Republikan (IRI Amerikan) e publikuar gjatë ditës së djeshme, nxorri të pah një sërë treguesish sa i përket politikës dhe sistemit shtetëror. Ndër pyetjet e shumta të bëra nga IRI, disa nga to kanë qënë direkt të lidhura me punën e qeverisë aktuale dhe ministrave të saj, përcjell in7.
Nê pyetjen se cili nga ministrat e Qeverisë së Maqedonisë së Veriut nuk e bën pyetjen e tij siç duhet, plotë 27 përqind e të anketuarve mendojnë se asnjëri nga kabineti qeveritar nuk e bën punën e tij siç duhet.
Në kampin qeveritarëve maqedonas, këtë kategori e kryeson Kryeministri i Qeverisë, Zoran Zaev me 16%, i dyti vjen Ministri i Shëndetësisë, Venko Filipçe me 13% dhe e treta, Milla Carovska, Ministre e Arsimit me 10% pikë negative.
Nga ministrat shqiptarë, listës i prin Zëvendëskryeministri dhe Ministri për Sistem Politik, Artan Grubi. Plotë 13% e qytetarëve mendojnë se Grubi nuk e bën punën e tij siç duhet. Pas Grubit vjen Bujar Osmani, Ministri i Jashtëm. Për të, 10% e të anketuarve mendojnë se nuk po e bën punën e tij siç duhet. Ndërsa i treti në listën e ministrave shqiptarë, që nuk e bëjnë punën e tyre siç duhet është Ministri i Bujqësisë, Arijanit Hoxha nga Lëvizja Besa, përcjell in7.
Nga ana tjetër, në pyetjen se cili prej ministrave e bën punën e tij ashtu siç duhet, listës i prijnë kryeministri Zaev, ministrat Filipçe dhe Spasovski, ndërsa ministrat shqiptarë ndodhen në fund të tabelës.
Rezultatet janë treguar në tabelën më poshtë.
