ATSH-DPA/- Presidenti francez, Emmanuel Macron reagoi me të njëjtin zemërim ndaj sulmit terrorist dje në sallën e koncerteve në Moskë, që shkaktoi të paktën 143 të vrarë, të cilin vendi i tij e dënoi me termat më të ashpër të mundshëm.
Duke shkruar në X, dikur në Twitter, Macron shprehu solidaritetin e tij me familjet e viktimave, të plagosurit dhe popullin rus.
“Ne i shprehim ngushëllimet tona qeverisë ruse për sulmin terrorist në sallën e koncerteve në Moskë dhe dënojmë ashpër sulmin”, tha presidenti turk Recep Tayyip Erdoğan ndërsa i drejtohej një tubimi elektoral në Ankara.
Të premten në mbrëmje, autorë të paidentifikuar qëlluan kundër vizitorëve në qendrën e koncerteve Crocus City Hall në Moskë.
Tre fëmijë ishin në mesin e të vrarëve. Autoritetet kanë arrestuar 11 të dyshuar, të paktën katër prej të cilëve besohet se kanë qenë të përfshirë drejtpërdrejt në sulm.
Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.
