Forcat Ajrore të SHBA-së zhvilluan sistemin e ri të dronëve, Phoenix Ghost për të përmbushur nevojat e Ukrainës, sipas një zëdhënësi të Pentagonit.
Paketa e re e ndihmës amerikane për Ukrainën përfshin më shumë se 121 sisteme Phoenix Ghost, njoftoi Pentagoni.
“Kjo u zhvillua me shpejtësi nga Forcat Ajrore duke iu përgjigjur kërkesave të Ukrainës”, tha sekretari i shtypit i Pentagonit, John Kirby.
Por Kirby nuk do të thoshte se cilat janë ndryshimet në aftësi midis sistemeve Switchblade dhe Phoenix Ghost.Kirby tha gjithashtu se sistemi i ri do të kërkojë “disa trajnime minimal” dhe se Departamenti i Mbrojtjes i SHBA-së po “punon” me ushtrinë ukrainase.
Ndryshe, SHBA sot ka miratuar edhe një pako shtesë të pajisjeve ushtarake në vlerë të 800 milionë dollarëve. /Telegrafi/
