Çmimi i naftës në SHBA ka rënë në nivelin që nuk ishte parë që nga viti 1999

235

Çmimi i naftës në Shtetet e Bashkuara ka rënë në nivel që nuk ishin parë që nga viti 1999, dhe shkak është rënia e kërkesës si pasojë e pandemisë së koronavirusit. Çmimi i një fuçie të West Texas Intermediate (WTI), që përdoret si pikë referimi për naftën amerikane, ra të hënën për 19.3 për qind, përkatësisht në 14.74 dollarë.

Nafta Brent – standardi i përdorur nga Evropa dhe pjesa tjetër e botës – ra po ashtu për 2.6%, në 27.35 dollarë për fuçi. Industria e naftës është duke luftuar me kërkesa në rënie dhe argumente midis prodhuesve për uljen e prodhimit. Kërkesat kanë rënë pasi shumë vende të botës janë izoluar, për shkak të pandemisë, duke ndërprerë një pjesë të madhe të trafikut ajror dhe rrugor.

Këtë muaj, pas disa javësh mosmarrëveshjeje kujton REL, anëtarët e Organizatës së Vendeve Eksportuese të Naftës (OPEC) janë pajtuar për të ulur prodhimin për rreth 10%, edhe pse disa analistë kanë thënë se reduktimi nuk është aq i madh sa për të bërë ndryshime.