ASH-AAA: Prokuroria të ngritë aktakuzë ndaj Simovskit dhe Selamit

53

Koalicioni opozitar, Aleanca për Shqiptarët dhe Alternativa, thonë se Enti Shtetëror i Statistikave është duke kryer vepër penale me mos fillimin e procesit të regjistrimit në terren dhe ftojnë Prokurorinë të ngritë aktakuzë ndaj drejtorit të entit, Apostoll Simovski dhe zëvendësdrejtorit Ilmi Selami.

“Ky refuzim për të zbatuar ligjin është goditje e rëndë mbi parimin e sigurisë juridike, si koncept themelor i shtetit të së drejtës. I bëjmë thirrje Prokurorisë që urgjentisht t’i ndërmarrë masat e nevojshme për ruajtjen e shtetit të së drejtës, duke ngritur aktakuzë kundër Drejtorit dhe Zëvendës Drejtorit të Entit shtetëror për statistikë”, thanë mes të tjerash në reagimin e tyre, ASH-AAA-ja, transmeton TV21.