Thirrja në çastet e fundit e Artan Grubit ishte vetëm një tentim dinak për të involvuar Aleancën për Shqiptarët dhe Alternativën në pazaret e tyre me LSDM-në dhe VMRO-në për ta ndërprerë dhe anuluar regjistrimin. Kështu ka thënë Sekretari i Aleancës për Shqiptarët, Arben Taravari.
“Informatat tona flasin se BDI ka bërë edhe një herë kompromis të dhimbshëm në dëm të shqiptarëve, ngjashëm si në vitin 2012. Të gjithë e dëgjuam në të ashtuquajturat bomba se si BDI natën bënte pazare me partnerin e atëhershëm, VMRO-DPMNE-në dhe tanimë të gjithë shqiptarët e kanë të qartë se si është bërë edhe pazari më i ri, kësaj radhe me përfshirje edhe të LSDM-së.
Por, ne si Aleancë dhe Alternativë nuk do të lejojmë̈ të bëhemi as legalizues të pazareve të tyre antishqiptare dhe as nuk do të heshtim para këtij skandali. Kujtojmë̈ edhe LSDM-në edhe BDI-në se pas ardhjes tonë në pushtet dhe pas reformimit të gjyqësorit nga bashkësia ndërkombëtare, nuk do të mund të shpëtoj siç shpëtuan Ahmeti dhe Gruevski nga procesi gjyqësor për regjistrimin e vitit 2012. Zoran Zaev e dëshmoi se nuk ka aspak dallim nga Nikolla Gruevski kur janë në pyetje shqiptarët, ndërsa BDI më së miri po e konfirmon pse e kanë ruajtur, amnestuar dhe ndihmuar deri më tani dy partitë̈ maqedonase edhe atëherë kur e dënonin shqiptarët. Arsyeja edhe kësaj radhe është e njëjtë, frika nga numri real dhe përqindja reale e shqiptarëve në Maqedoninë e Veriut. Do të përgjigjeni edhe për këtë goditje që ua jepni shqiptarëve!”, shkruan Taravari.
