Temperatura rekord në Spanjë, Francë e Britani
Vala e të nxehtit afrikan ka përfshirë të gjithë Europën me temperatura rekord që arrijnë në 42 gradë Celsius. Në Madrid, kryeqytetin spanjoll punëtorët u përpoqën me çdo mënyrë të përballonin temperaturat ekstreme të larta që goditën vendin.
Termometri arriti 38 gradë Celsius në kryeqytet teksa në rrethinat e Spanjës u shënuan vlera mbi 40 gradë Celsius. Zjarret që kanë pushtuar vendin po bëhen të pamenaxhueshme.
Edhe Britania po përballet me të nxehtin ekstrem teksa përballë godinës së Parlamentit në Londër është venë re edhe fenomeni i plasaritjes së Tokës. Të shumtë kanë qenë qytetarët atje që u janë drejtuar plazheve.
Gjysma e vendit në Portugali është vendosur në alarmin e kuq nga autoritetet me temperatura që shënojnë 43 gradë Celsius. Edhe Franca po përballet me një valë të nxehti që pritet të zgjasë mesatarisht 8 deri në 10 ditë.
Tv Klan
