Kryetari i Kuvendit, Talat Xhaferi ka deklaruar se ekziston mundësia që seanca për zgjedhjen e Qeverisë së re, me kryeministër Dimitar Kovaçevskit të zhvillohet në sallë të digjitalizuar.
Në intervistë për MIA-n ai tha se salla plenare është pajisur me teknologji të re dhe është digjitalizuar në tërësi.
“Sapo kanë përfunduar punimet në seancën plenre për të pajisur të njëjtën me mjete teknike. Ajo tashmë është gati. Pas festave duhet të vijojë faza e testimit të sistemit, i cili duhet të jep material për e-Parlamentin dhe për ueb faqen. Kështu që, sistemi do të lëshohet dhe promovohet pas Vitit të Ri dhe shpresoj se zgjedhje e Qeverisë së re të jetë poshtë, në seancën plenare me pajisje të reja me të cilën është digjitalizuar e tëra. Do të thotë procedura janë digjitalizuar, mënyra e votimit dhe materialet do të shfaqen në mënyrë elektronike. Ajo varet tani nga testimi që do të tregojë, sërish, është sistem i ri”, tha Xhaferi, përcjell TV21.
