ryetari i Aleancës për Shqiptarët, Ziadin Sela në emisionin “Brifingu i Mëngjesit” i pyetur se çfarë mendon për dorëheqjen e kryeministrit Zoran Zaev tha se ka pasur skepticizëm se do ta mbajë fjalën e dhënë, ndërsa sipas tij ky skepticizëm nuk ka qenë vetëm tek opozita por edhe tek vet përkrahësit e tij.
Ai tha se Zoran Zaev dorëheqjen duhej ta jepte një ditë më vonë dhe jo sot kur mbahen pyetjet e deputetëve, ngase është bë një kohë e gjatë ku deputetët nuk mund të parashtrojnë pyetje pushtetit për siç tha ai, skandalet që po ndodhin.
“Ne kemi pyetje që janë drejtuar drejt pushtetit, ministrave, shumë punëve që po ndodhin këtyre ditëve, ja mbrëmë përsëri u lirua nga burgu nga Sasho Mijallkov, këto gjëra nuk ndodhin rastësisht, ditë më parë kishte listë të personave që duhet të amnistohen por të cilët assesi nuk meritojnë të amnistohen nga ana e presidentit dhe shumë skandale tjera që ne presim t’i themi aty ku e kanë vendin”, ka deklaruar Sela.
Sela tha se nuk e ka të qartë se përse ai duhej të largohej me simbolikën duke shkelur mbi kuvendin dhe mbi demokracinë e shtetit.
