Kryeministri i vendit, Albin Kurti, ka njoftuar të enjten se Qeveria do ta heqë tarifën për importimin e lëndëve të para nga Serbia dhe Bosnja e Hercegovina.
Zyrtarë nga Bashkimi Europian e kanë mirëpritur këtë hap të Kurtit duke shtuar se mezi presin të shohin më shumë detaje, njofton Klan Kosova.
“Ky hap mund të këtë një efekt pozitiv në rivendosjen e tregtisë rajonale dhe rifillimin e dialogut ndërmjet Beogradit dhe Prishtinës të lehtësuar nga Bashkimi Europian”.
“Ka humbur shumë kohë. Besimi duhet të rikthehet urgjentisht. Serbia dhe Kosova duhet të krijojnë një mjedis të favorshëm për dialog – në dobi të të dyja palëve”.
“Përfaqësuesi i Lartë i BE-së, Josep Borrell është i gatshëm ta luajë rolin e tij si një ndërmjetësues i BE-së në dialog”.
