Një 31-vjeçar me iniciale A.S. nga Shkupi ka vdekur pas plagëve të marra nga të shtënat me armë zjarri pasditen e sotme në afërsi të Stacionit Policor në Bit Pazar, transmeton TV21.
“Në lidhje me të shtënat në Bit Pazar, ju njoftojmë se i lënduari A.S. (31) iu është nënshtruar plagëve”, qëndron në njoftimin e MPB-së.Policia konfirmoi se i plagosuri u është nënshtruar plagëve të marra. Tani për tani nuk dihet kush është dorasi dhe as motivet që e kanë çuar të shtie mbi të riun. Në njoftimin e parë policia kumtoi se rreth orës 14:00 është raportuar se në rrugën “Vojdan Çernodrinski” në zonën e Bit Pazarit ka pasur të shtëna me armë zjarri.
Në vendngjarje policia ka gjetur gëzhoja të shumta. Policia konfirmoi se pas të shtënave një person ka mbetur i plagosur rëndë dhe është transportuar në Qendrën Emergjente në Kompleksin Klinik ‘Nënë Tereza’, ku edhe ndërroi jetë. Policia thotë se po merren masa për zbardhjen e rastit.
