Maqedonia e Veriut është në fazë të hershme të përgatitjes për bujqësi të qëndrueshme, vlerëson Komisioni evropian (KE) në Raportin më të ri për përparimin e vendit. KE-ja vëren se përgatitja e ligjit të ri për bujqësi dhe zhvillim rural është shtyrë dhe rekomandon që vendi ta harmonizojë politikën e vet për mbështetje bujqësore me AKI-në e BE-së. Siç ceket në Raport, përparim nuk ka në raport me sistemet për identifikim dhe regjistrim të kafshëve për sigurim të të dhënave më cilësore.
“Të gjitha elementet e Sistemit të integruar për administratë dhe kontroll (IACS) janë vendosur në pajtim me AKI-në e BE-së. Transferet e të dhënave dhe interoperabiliteti duhet të sigurohen së bashku me verifikimin e saktësisë së të dhënave. Përparimi vërehet në xhirimin orto-foto në mënyrë që të lehtësohet përditësimi i Sistemit për identifikim të parcelave tokësore (LPI). Regjistri i bujqve dhe LPI fillimisht duhet të transferohen në Agjencinë pagesore”, ceket në Raport.
Nevojiten resurse shtesë për zgjerim të Rrjetit për të dhëna kontabiliste nga ferma (FADN), por edhe përfshirje të të dhënave për mjedisin jetësor dhe qëndrueshmërinë sociale në pajtim me Rrjetin e ri të BE-së për të dhëna për qëndrueshmërinë e fermës (FSDN).
“Është miratuar Ligji i ri për shërbime adekuate, por mbetet të sillet legjislaturë për organizimin e përbashkët të tregut dhe të definohen mandatet institucionale”, noton Komisioni.
Lidhur me zhvillimin rural, theksohet se filloi Programi IPARD 3, ndërsa po përparon edhe finalizimi i IPARD 2. Megjithatë, Komisioni rekomandon të ketë kujdes për kapacitetin institucional të Agjencisë pagesore dhe posaçërisht për uljen e numrit të pagesave të vonuara të aplikuesve.
Nga aspekti i politikës së cilësisë, KE e përshëndetë miratimin e Ligjit për verën, ndërkaq lidhur me bujqësinë organike tregon se mbetet të sillet ligj i ri.
“Duhet të përmirësohen aktivitetet për përmirësim të ndjekjes dhe kontrollit të certifikimit dhe përshtatshmërisë së prodhimeve organike. Duhet të bëhen edhe përpjekje për zhvillim të mëtutjeshëm të sektorit, me çka plotësisht shfrytëzohet mbështetja e kapshme në suaza të IPARD 3”, ceket në Raportin e KE-së.
