Zëvendës kryeministri, Artan Grubi, nuk ka bërë asnjë reagim për ofendimet ndaj shqiptarëve dhe gënjeshtrat për prejardhjen e tyre në librin skandaloz “Gjoegrafia”. Gazeta LAJM para dy ditësh ka kërkuar një qendrim nga Grubi, por ai nuk është përgjigjur.
Ndërkohë për këtë çështje nuk ka thënë asnjë fjalë as në mediat tjera. Zëvendës kryeministri Grubi, si përfaqësuesi më i lartë i shqiptarëve në Qeverinë e RMV-së nuk ka treguar nëse libri do të tërhiqet dhe nëse do të mbajnë përgjegjësi autorët e fyrjeve të rënda ndaj shqiptarëve. “Gjeografia” skandaloze ka nxitur reagime të shumta.
Një ditê më parë, kryetari i Aleancës për Shqiptarët, Ziadin Sela, gjatë një prononcimi për gazetën Lajm, paralajmëroi padi për autorët e “Gjeografisë”, ndërsa tha se, fyerjet ndaj shqiptarëve janë turpi i BDl-së.
