Sipas sundimit të ri taliban, muzika nuk do të lejohet në Afganistan.
Zëdhënësi i talibanëve Zabihullah Mujahid ka deklaruar se shpreson se do të mund t’i bindim njerëzit të mos bëjnë muzikë.
“Muzika është e ndaluar në Islam … por ne po shpresojmë se mund t’i bindim njerëzit të mos bëjnë gjëra të tilla, në vend që t’i bëjmë presion”, raporton BBC duke cituar New York Times.
Nën sundimin e talibanëve në vitet 1990, shumica e muzikës, televizionit dhe kinemasë ishin rreptësisht të ndaluara dhe shkelja e rregullave mund t’i fuste në telashe serioze. Pasi militantët u hoqën nga pushteti, skena muzikore e vendit lulëzoi, u zhvilluan koncerte dhe festivale.
Mujahid tha se shqetësimet për sigurinë e grave ishin “të pabaza”. Ai tha se gratë nuk do të duhet të qëndrojnë në shtëpi ose të mbulojnë gjithmonë fytyrën, dhe se kërkesa që gratë të shoqërohen nga një kujdestar mashkull vlen vetëm për udhëtimet prej tre ditësh ose më gjatë.Ai gjithashtu tha se gratë përfundimisht do të jenë në gjendje të kthehen në rutinën e tyre të përditshme.
Të martën, Mujahidi paralajmëroi gratë që të qëndrojnë në shtëpi derisa të krijohen sistemet e duhura për të siguruar mbrojtjen e tyre, sepse disa luftëtarë talibanë nuk janë trajnuar të mos i lëndojnë apo ngacmojnë ato.
