SPASOVSKI: DO TË NDALOJMË ANËTARËSIMIN E POLICËVE NË PARTI POLITIKE

29

“Vetingu në Agjencinë për Siguri Kombëtare është kryer me sukses, ndërsa si proces po vazhdon në Departamentin për kontroll të brendshëm dhe standarde profesionale”.

Këtë e deklaroi ministri i Brendshëm Oliver Spasovski, në një deklaratë për “Kana77”. Ai gjithashtu tha se anëtarët e Ministrisë së Brendshme së shpejti nuk do të mund t’i bashkëngjiten asnjë partie politike, transmeton Telegrafi.

“Ne kemi bërë një sërë ndryshimesh ligjore që do të jenë në procedurat qeveritare dhe parlamentare, kryesisht depolitizimi i policisë; pjesëtarët e policisë nuk do të mund të anëtarësohen në parti politike, e as të jenë pjesë e organeve drejtuese të partive”, tha Spasovski.