Në qytetet kryesore dhe më të mëdha të Serbisë janë shtuar patrullat e policisë ushtarake.
Shumë policë dhe ushtarë janë vendosur në sheshe, parqe, qendrat tregtare, stacionet hekurudhore dhe në zonat me ngarkesën më të lartë. Është ky vendimi që u mor pas mbledhjes së Këshillit të Sigurisë Kombëtare.
Ushtria serbe, së bashku me Ministrinë e Punëve të Brendshme dhe shërbimet e sigurisë, janë duke ndërmarrë masa parandaluese për të rritur sigurinë e qytetarëve, objekteve dhe institucioneve të Republikës së Serbisë, thuhet në komunikatë.
“Siguria dhe siguria e qytetarëve është prioritet dhe Ushtria Serbe mbetet e gatshme që, në përputhje me Kushtetutën, ligjin dhe vendimet e marra nga udhëheqja shtetërore, të dislokojë forcat dhe burimet e saj dhe së bashku me forcat e tjera të sigurisë të sigurojë sigurinë e qytetarëve të Republikës së Serbisë”, përfundon deklarata.
Nuk është dhënë asnjë arsye se përse janë ndërmarrë këto masa por duhet theksuar se kanë nisur gjatë fundjavës që lamë pas, pak orë pas sulmit terrorist në Moskë. Kujtojmë se edhe shumë shtete europiane kanë rritur nivelet e sigurisë pas ngjarjes tragjike.
