Sekretari i përgjithshëm i VMRO-DPMNE-së, Gjorgjija Sajkoski, sot ka pasur një sërë takimesh me kërçovarët në kuadër të fushatës “Ndryshimet ndodhin, gjithmonë me popullin”. Sajkoski theksoi se kërçovarët shprehin zhgënjim të madh me vetëqeverisjen lokale të udhëhequr nga BDI dhe LSDM, transmeton InfoShqip.
“Në Kërçovë, në qendër të qytetit, kompania komunale hedh mbeturina, që është një precedent që rrezikon jetën e qytetarëve të këtij vendi të bukur.Kërçovarët e mi shprehin keqardhjen që pushteti lokal nuk ka arritur të merret me qentë endacak dhe Kërçova është rekord numri i njerëzve kafshohen nga qentë endacakë. Jemi përballë komandës, së cilës i janë ndarë disa mjete nga pushteti qendror dhe lokal, është dashur të jetë një godinë e bukur komunale, por fatkeqësisht edhe sot është një gërmadhë. Në vend që të përmirësohet cilësia e jetës në Kërçovë, është hequr cilësia e jetës, ose nuk ka fare kushte për jetesë“, tha Sajkoski.
Sajkoski shprehu keqardhjen që BDI dhe LSDM nuk i janë përkushtuar fare qytetit dhe nuk është bërë asnjë investim, asnjë projekt i rëndësishëm për Kërçovën. Edhe pse kanë premtuar se do të ndërtojnë kanalizim në Drugovë, por deri më tani nuk ka ndodhur asgjë.
Sajkoski u bëri thirrje të gjithëve me përkrahje dhe besim social që ta përkrahin fushatën dhe së bashku në zgjedhjet e ardhshme, që Kërçova dhe Maqedonia të bëhen vend më të mirë për të jetuar.
