Federata Ruse duket se nuk ka kalkuar saktë para se të fillonte këtë luftë, duke e nënvlerësuar dukshëm fuqinë ushtarake të Ukrainës. Humbjet kanë qenë aq të mëdha, sa që po bëhen krahasime edhe me luftëra të tjera që kanë zgjatur me vite të tëra, shkruan Gazeta Metro.
Sipas Forcave të Armatosura të Ukrainës, humbjet e ushtrisë ruse në Ukrainë në 26 ditët e luftës tejkalojnë humbjet e ushtrisë sovjetike për 10 vitet e luftës në Afganistan.
Ukrainasit pretendojnë se deri më tani, 15.300 ushtarë rusë kanë gjetur vdekjen pas fillimit të luftës, në krahasim me 15.051 ushtarë sovjetikë që u vranë për 10 vjet në Afganistan.
According to the Armed Forces of #Ukraine, the losses of the #Russian army in Ukraine in 26 days of the war exceed the losses of the #Soviet army for 10 years of the war in #Afghanistan. pic.twitter.com/CIieerad5I
— NEXTA (@nexta_tv) March 22, 2022
Madje, ukrainasit krahasuan edhe numrin e gjeneralëve të vrarë, që në Afganistan ishin 5 ndërsa në Ukrainë janë 6.
Më mirë punët Rusia nuk i ka as në rrafshin e tankeve, ku deri më tani ka humbur 509 tanke në fushëbetejë, përderisa ushtria sovjetike kishte humbur 385.
Përndryshe, lufta ende po vazhdon, gati një muaj pas fillimit të invazionit, por rusët kanë ngecur në të gjitha frontet dhe pritet luftë edhe më e gjatë dhe e përgjakshme./gazetametro.net
