Në mbledhjen e fundit të qeverisë u miratuan gjashtë kandidatë për ambasadorë.
Lajmin e ka konfirmuar dje ministri i Jashtëm Bujar Osmani.
“Nuk duhet të komentoj apo të zbuloj emra. “Ne do t’i publikojmë kur të marrim miratimin nga vendet ku duhet të dërgohen”, tha Osmani në përgjigje të pyetjes së gazetarëve.expres.mk
Një pjesë e mediave këtë javë raportuan se Qeveria ka pranuar propozimin e ish-kryetares së Komunës së Tetovës dhe zëvendëskryeministrja për Integrime Evropiane, Teuta Arifi, për të qenë ambasadorja e re e Maqedonisë në BE. Ndërkaq, drejtori aktual i ANB-së, Viktor Dimovski, do të niset për ambasador në Paris, ndërsa postin ambasador në Uashington do ta plotësojë Zoran Popov, diplomat i karrierës, sekretar i shtetit në Ministrinë e Punëve të Jashtme.
