Teksa luftimet janë në ditën e 28 të tyre, humbjet nga të dyja kampet janë të mëdha. Ukraina së fundmi ka pretenduar se ka vrarë kolonelin rus Alexei Sharov, komandant i Brigadës 810 Detare të Ushtrisë Ruse.
Bëhet e ditur që ai është vrarë pranë Mariupol, qytetit port, që është kthyer ditët e fundit në shënjestrën kryesore të ofensivës ruse.
Putin ka humbur një komandant të 15-të të lartë që nga fillimi i luftës së tij me Ukrainën.
Vdekja e kolonelit Alexei Sharov vjen ndërsa Rusia vazhdon të vuajë masakrën e saj më të keqe të drejtuesve të saj të lartë ushtarak që nga Lufta e Dytë Botërore.
Mediat e huaja shkruajnë se ka vdekur në fushën e betejës kolonel Sergei Sukharev, i Regjimentit Sulmues me Parashutë të Gardës 331 nga Kostroma, u konfirmua nga TV shtetëror në Moskë, raporton The Sun.
Më parë “likuidimi” i tij ishte pretenduar nga Qendra e Ukrainës për Komunikimin Strategjik dhe Sigurinë e Informacionit.