Presidenti Stevo Pendarovski mendon se duhet marrë përgjegjësi për rastin e dhënies së shtetësisë maqedonase shtetasit ukrainas Oleksandr Onishchenko, i cili është në listën e zezë të SHBA-së. Mbrëmjen e sotme, në një intervistë në emisionin “24 Analiza”, ai vlerësoi se kjo është një goditje e rëndë për besueshmërinë e një vendi anëtar të NATO-s në sytë e aleatëve të tjerë.
- Ky është një njeri, biografia e të cilit ne e dimë që është në listën e zezë, por është i lidhur me individë dhe grupe të tjera dhe nuk është i lidhur vetëm me zgjedhjet presidenciale të vitit 2016 në Amerikë. Ka katër departamente brenda Agjencisë së Sigurisë Nacionale(ASN). Më në fund qeveria merr një vendim pozitiv. Ne duhet të përqendrohemi në hetimin e brendshëm në ANB. Sektori i katërt në ANB është për bashkëpunim me shërbimet e huaja që janë partnerë tanë në NATO. Nëse ajo që di unë është e vërtetë, duke përfshirë këtë sektor, është një goditje e madhe besueshmërie për NBA-në. Ne duhet të marrim përgjegjësi për këtë rast. Nëse njeriu ndërhyri në zgjedhjet e tyre, me çfarë sysh do t’i shikojmë amerikanët. Ata nuk do të na shohin me të njëjtin sy. Ka pasur reagim edhe nga Amerika se si mund të ndodhë kjo, tha Pendarovski.
Nga viti 2020, shtoi Pendarovski, pasi që jemi anëtar i përhershëm, kemi hyrë në sistemin e shkëmbimit të të dhënave, të informacionit operativ dhe të inteligjencës dhe kundërzbulimit me anëtarët e tjerë të NATO-s dhe jemi shumë krenarë për këtë.
