Kreu i Socialistëve Bullgarë, Cornelia Ninova, u bëri thirrje deputetëve të tjerë në këtë temë që të mos jenë as rusofilë as rusofobë, por të jenë bullgarë. Sipas saj, ky vendim ishte në interes të shëndetit të popullit Bullgar
Në seancën e fundit, deputetët bullgarë hodhën poshtë projektvendimin për blerjen e vaksinës ruse kundër koronavirusit “Sputnik B”.
Sipas korrespodentit të MIA-s nga Sofja, propozimi u paraqit nga deputetët e BSP, të cilët e kërkuan këtë në përbërjen e mëparshme të Parlamentit Bullgar, por edhe atëherë propozimi i tyre nuk u mbështet.
Sipas Partisë Socialiste Bullgare, vaksina ruse do të parandalojë shkeljen e planit kombëtar të vaksinimit, sepse, sipas tyre, ka pasur vonesa dhe shpërndarje të parregullt të vaksinave tashmë të miratuara nga BE.
BSP përmendi shembullin e Hungarisë, e cila bleu një vaksinë ruse dhe madje edhe një kineze, duke përdorur të drejtën e saj për të negociuar vetë për të blerë jashtë marrëveshjeve të përgjithshme të arritura nga Bashkimi Evropian.
Kreu i Socialistëve Bullgarë, Cornelia Ninova, u bëri thirrje deputetëve të tjerë në këtë temë që të mos jenë as rusofilë as rusofobë, por të jenë bullgarë. Sipas saj, ky vendim ishte në interes të shëndetit të popullit Bullgar.
Ish Ministri i Jashtëm Daniel Mitov, i cili ishte gjithashtu kryeministri i caktuar i GERB, kujtoi se Agjencia Evropiane e Barnave nuk kishte konfirmuar ende sigurinë e vaksinës ruse. GERB kundërshtoi me forcë projektvendimin.
