OSBE-ODIHR: Një përqind për listat e pavarura është në përputhje me praktikat e mira ndërkombëtare

44

Zyra e OSBE -së për Institucionet Demokratike dhe të Drejtat e Njeriut (ODIHR) mbetet e përkushtuar ndaj rekomandimit të vitit 2017 në lidhje me pragun për paraqitjen e listave të pavarura, të cilat ata i konsiderojnë si në përputhje me praktikat e mira ndërkombëtare,

Pyetur nga “360 gradë” për të komentuar ndryshimet e propozuara në Kodin Zgjedhor, të cilat përcaktojnë që pragu për listat e pavarura të jetë dy përqind e votuesve të regjistruar në komunë, zëdhënësja e OSBE-ODIHR Katja Andrus u përgjigj:

“ODIHR me të vërtetë ka bërë një rekomandim për të standardizuar numrin e kërkuar të nënshkrimeve për kandidatët e pavarur në 1% të votuesve të regjistruar. Siç thamë atëherë, kjo është në përputhje me praktikat e mira ndërkombëtare. Ne vazhdojmë të ndjekim diskutimet e vazhdueshme mbi ndryshimet e propozuara në Kodin Zgjedhor dhe ne jemi gati të rishikojmë çdo projekt rregullore me kërkesë të autoriteteve”.