Një mësuese e një shkolle në New York pa kualifikim formal mjekësor është arrestuar pasi dyshohet se i ka dhënë një vaksinë antiCovid një nxënësi.
Policia thotë se Laura Russo e administroi dozën në shtëpinë e saj, pavarësisht se nuk kishte autorizim ligjor për të dhënë vaksinë dhe pëlqim nga prindërit e djalit
54 vjeçarja e cila jep lëndën e biologjisë, u mbajt në paraburgim në natën e Vitit të Ri dhe mund të përballet me katër vjet burg nëse shpallet fajtore.
Djali 17-vjeçar thuhet se kishte kërkuar vaksinën.
Injeksionet mund të jenë të rrezikshme nëse administrohen në mënyrë të gabuar. Mjekët dhe punonjësit e licencuar mjekësorë duhet të verifikojnë që një vaksinë nuk është e falsifikuar ose e skaduar. Pacientët gjithashtu duhet të pyeten për historinë e tyre mjekësore dhe të monitorohet reagimi i tyre pas një doze.
Policia thotë se është e paqartë se si Russo e ka marrë vaksinën e supozuar Covid, ose çfarë marke është ajo. Aktualisht, Pfizer-BioNTech është i vetmi i autorizuar për amerikanët nën 18 vjeç. Në videon e incidentit në Long Island, Russo dëgjohet duke i thënë adoleshentit “Do të jesh mirë, shpresoj”. “Ja ku shkoni. Vaksina në shtëpi,” thotë ai.
Zyrtarët thonë se prindërit e djalit thirrën policinë pasi ai u kthye në shtëpi dhe u treguan atyre se çfarë kishte ndodhur.
Russo tani akuzohet për ushtrim të paautorizuar të profesionit.
Një seancë gjyqësore është caktuar për 21 janar 2022
