Nga nesër, e diel, 22 janar, do të mund të skijohet në Popova Shapka, njoftojnë nga qendra e skijimit, pasi në dhjetë ditët e fundit kanë rënë 30-40 centimetra borë e nevojshme për përgatitjen e pistave.
Skiliftet dhe teleferiku do të funksionojnë nga ora 8:45 deri në 15:30, ndërsa biletat janë të hapura nga ora 8:00 deri në 16:15.
- Gjithçka është gati për ski, me mjetet dhe makineritë speciale “ratraci” për përpunimin dhe përgatitjen e fushave të skijimit, shtigjet e skijimit janë përmirësuar. Skifistët do të kenë mundësi të përdorin të katër skiliftet Potok 1 dhe Potok 2, Aerodrom dhe GE, si dhe teleferikun Sveti Ilija, Ceripashina dhe teleferikun e ri me gjashtë ulëse, tha Zive Alexovski, drejtor ekzekutiv i ELEM Tours.
Çmimet për shfrytëzimin e skilifteve dhe teleferikut janë publikuar në profilin e qendrës së skijimit në Facebook. Mund të blini bileta ditore, gjysmëditore dhe sezonale.
