Në zgjedhjet lokale të 17 Tetorit të drejtë vote kanë 1.824.864 qytetarë. Lista zgjedhore u mbyll në seancën e mbrëmshme të KSHZ-së. Më së voni deri më 1 Tetor, KSHZ-ja duhet ta nënshkruajë Listën zgjedhore përfundimtare.
Sic u tha në seancën e 27-të të KSHZ-së, nga numri I përgjithshëm I votuesve, 1.740.147 qytetarë janë në Listën zgjedhore. Në vende të veçanta të kësaj liste janë regjistruar 82.461 persona që janë jashtë vendit, 1.899 të cilët në ditën e zgjedhjeve janë në vuajtje të dënimit me burg apo në paraburgim, 351 persona të akomoduar në institucione jashtëfamiljare dhe gjashtë të tjerë që evidentohen si të zhvendosur.
Fushata zgjedhore nis të Hënën më 27 Shtator dhe do të përfundojë më 15 Tetor në mesnatë. Rrethi I dytë I zgjedhjeve do të mbahet më 31 Tetor kurse fushata do të zgjasë deri më ora 24.00 më 29 Tetor.
Pas përfaqësuesve të të gjitha partive politike pjesëmarrës en ë zgjedhjet 2021, Kodeksin për zgjedhje demokratike dhe të ndershme e kanë nënshkruar edhe shumë kandidatë për Kryetarë Komunash.
