Vasil Bozhkov është një oligark bullgar dhe ideologu dhe figura kryesore lëvizëse e Platformës Qytetare “Vera Bullgare”. Ai është bullgari më i pasur me një pasuri të vlerësuar nga 1 deri në 3 miliardë leva, i njohur me nofkën Kafkë. Konsiderohet si një koleksionist i madh i antikeve dhe pikturave të rralla.
Në janar 2020, Bozhkov u largua nga Bullgaria dhe iku në Dubai për të shmangur paraburgimin, pas së cilës ai u akuzua për disa akuza, duke përfshirë vrasje, pastrim parash dhe evazion fiskal.
Pas arratisjes së tij, Bozhkov pretendoi se i ishte nënshtruar një shantazhi sistematik nga autoritetet. Kjo mund të jetë e vërtetë pasi sot mediat bullgare pohojnë se ish-kryeministri Borisov i ka kërkuar para dhe janë publikuar foto dhe video.
Bozhkov është 63 vjeç dhe dy llotaritë e tij private dhe pikat e basteve kanë një fitim vjetor mbi 200 milionë leva. Përveçse një matematikan i madh, Bozhkov është edhe një lojtar i njohur pokeri.republika.mk
Të mbash një dorë fituese ose të dobët nuk do të thotë domosdoshmërisht të fitosh ose të humbësh. Është e rëndësishme të jesh në gjendje të bësh bllof, dhe ndonjëherë atuti që fshih në mëngë është vendimtar – tha ai në një rast.
Ai vozitë një model unik “Mercedes Maybach” me vlerë 700 mijë euro
Ky model është bërë enkas për të në Kanada. Sedani pesë metra i gjatë ka mbrojtje të nivelit VR10, që do të thotë se mund të përballojë edhe një sulm me granatë. Pjesa e brendshme e mjetit është e pajisur me sistem mbrojtjeje nga zjarri, si dhe furnizim me ajër për gjashtë orë në rast sulmi kimik.
