Peshkopi Petar nuk pranoi të përgjigjet se kush do ta financojë televizionin që do të fillojë transmetimin nga 1 maji. Ai tregoi se 50 për qind e programit do të jetë argëtues, 30 për qind do të jetë dokumentar edukues dhe se do të ketë përmbajtje politike. Mirëpo, ai ka reaguar me ndjeshmëri ndaj pyetjeve se nga do të marrë fonde për funksionimin e televizionit.
“Askush nuk duhet të interesohet për këtë, as mua nuk më intereson kush ju financon. Është e rëndësishme që paratë të jenë të pastra, jo të lara. Unë nuk dua t’i ndërhyj askujt në jetesën dhe mënyrën se si e montojnë televizionin, nuk duhet të më ndërhyjnë as mua, njerëzit hanë bukën e tyre, zgjedhin bukën e të tjerëve”, tha peshkopi në një intervistë për Telma.
Ai mohoi se ka qenë në bashkëpunim me Ljupço Palevskin dhe shtoi se pyetjet që e lidhin me të nuk janë të drejta.
“Ne nuk vendosim politikisht. Televizioni ynë do të jetë real, afirmativ, do të afirmojë pasurinë dhe trashëgiminë tonë kulturore, maqedonase, aksesi do të jetë nga të gjitha nacionalitetet. Ne nuk jemi të lidhur me parti politike, por do të ketë një program politik”, shtoi ai.
Ai tha se nuk është pronar i televizionit, por pronar është Petar Karevski, që është emri i tij laik.
“Kur shkoj të votoj, votoj si peshkop Petar, apo votoj si qytetar. Pronari i televizionit është Petar Karevski. Unë përdor të drejtat e këtij vendi, mos më mohoni të drejtat e mia. Unë nuk jam pronar, pronar është kompania “Preobarba”, nuk ka rëndësi ku jam pronar, ku nuk jam. Cili është qëllimi i këtyre pyetjeve? Se ne do të jemi konkurrenca juaj? Na leni të funksionojmë”, tha ai.
