Biznesmeni strumicas Stole Lazarov, pronar i disa kompanive që merren me përpunimin dhe tregtimin e metaleve, blen ish-gjigantin e Radovishit “Goldmak”, një fabrikë për prodhimin dhe përpunimin e arit dhe argjendit dhe metaleve investuese.
“Goldmak” është në falimentim që nga viti 2016 dhe më parë në këtë kompani ka hyrë me investime të veta kompania e huaj “Brodless”. Sipas informacioneve të një portali lokal të Strumicës, Lazarov “Goldmak” e blen për 1.300.000 euro.
Fjala vjen, Stole Lazarov, i cili prej shumë vitesh merret me bizhuteri me familjen e tij, është aktiv edhe në politikë.
Ai është kryetar i degës së Lidhjes Demokratike të Pavle Trajanovit në Strumicë, njofton Strumicanet.
Lideri i DS-së, Pavle Trajanov, prej disa ditësh ka paralajmëruar se është e pasigurt nëse qeveria e re do të ketë mbështetjen e partisë së tij.
- Me partitë e tjera më të vogla parlamentare do të analizojmë programin e qeverisë dhe do të shohim se çfarë strategjie do të marrim. Do t’i dërgojmë edhe një letër kryetarit të Kuvendit për të thirrur seancën për ndryshimet në Kodin Zgjedhor.
Për të hapur një debat publik.
Kërkesa jonë është qartësisht që të kemi një zonë zgjedhore, një model zgjedhor proporcional dhe pa prag elektoral. Mund të flasim për pragun zgjedhor.
Do të shohim se cilat nga prioritetet programore të partive më të vogla janë të inkorporuara në programin e qeverisë dhe kjo mund të ndikojë në vendimin për të votuar për qeverinë.
Deri të shtunën, kur të mbahet seanca, do të kemi qëndrim të përbashkët, të harmonizuar – tha për Sloboden peçat kryetari i Lidhjes Demokratike Pavle Trajanov.
