Duke komentuar zërat për hyrjen e Aleancës për Shqiptarët (ASH) në Qeveri, deputeti i pavarur Kastriot Rexhepi, ka deklaruar se do të ishte mirë që shumica aktuale të zgjërohet sa më tepër, shkruan gazeta LAJM.
“Unë vetëm përmes mediumeve kam dëgjuar që ndoshta ASH-ja mund të hyjë në Qeveri, por nga ana tjetër, kam dëgjuar deklarata të prera që nuk ka asgjë në këtë drejtim. Unë personalisht do të kisha dashur që shumica të zgjërohet sa më shumë, ai blloku progresi pro-evropian”, tha deputeti, Kastriot Rexhepi.
