Një debat që ka lindur për shkak se nuk është respektuar urdhri në furrën ku është blerë buka e Ramazanit është shkaku i konfrontimit fizik që ka përfunduar me të shtëna në Çairin e Shkupit, mëson Focus. Ngjarja ka nisur me rrahje dhe ka përfunduar me të shtëna me armë zjarri, ku një person ka pësuar plagë me armë zjarri.
Ngjarja ka ndodhur rreth orës 18 në afërsi të poliklinikës Bit Pazar në Çair. Në përleshje morën pjesë dy grupe. Nga njëra anë ka mbetur i plagosur 20-vjeçari A.B. dhe 23-vjeçari A.B. dhe ishin katër nga ana tjetër. Një kalimtar ka tentuar të ndajë grupet, por edhe ai ka mbetur i plagosur. Me lëndim në hundë, ai është transferuar në Klinikën e Veshit dhe Fytit në Qendrën Klinike.
Ngjarja ka ndodhur në rrugën “Petre Gjorgjiev” përballë poliklinikës “Bitpazar”. Nga njëra anë ndodheshin personat A.B. (20) dhe A.B. (23), dhe nga ana tjetër personat H.B., H.B., S.A. dhe A.A. Të gjithë të lënduarit janë në gjendje stabile.
Nga MPB thonë se po merren masa për zbardhjen e rastit.
