Filipçe: 67 raste të reja me koronavirus, 25 të shëruar dhe një viktimë

Ministri i Shëndetësisë, Venko Filipçe në konferencën e sotme për shtyp njoftoi se ende nuk është gati raporti ditor i detajuar për gjendjen me pandeminë me Covid-19. Filipçe theksoi se deri më tani  gjatë 24 orëve të fundit prej 868 testimeve janë regjistruar 67 raste pozitive me koronavirus. Ai gjithashtu njoftoi se gjatë 24 orëve të fudnit janë regjistruar edhe 25 raste të reja të rekuperimit të pacientëve me Covid-19 dhe një viktimë.